Kwania: Otela me gurup opur iwi lyeto pi camucana

14 March 2024, 1:36 pm

By Mike Okwang Ogule

Otela me Inomo Farmers Agro Processors Cooperative Society Limited tye ilyeto pi koko me camo cente  billion  acel ame Uganda National Roads Authority (UNRA) obin oculu gi kede ikare ame yuba me Puru yoo ame ya  Rwekunyi-Apac-Lira-Puranga gwaro Lobo gi.

Imwaka 2016, otela me Apac district local government ite purojek otye aboro CAIF obin ogero cuma me rego nywagi ite Cooperative adek igombololola Ibuje, Chegere kede igombololola Inomo.

Iyonge, cuma me Inomo ripot cimo ni cuma man pe obin Okelo cente acalo adwogi me goro otela me Cooperative man.

Report acoc wa olimo, cimo ni otela me Inomo Agro Processors Cooperative ikin gi wonkom me Cooperative Mzee Erong Olia, akan lim mere Galdino Bwor kede wonkom me procurement committee Andrew Opio okwero yaro kan alere lim aromo billion acel ame UNRA oculo gi kede iyonge yoo mako cuma me gurup man.

Tubere kede cimo wang obin ocakere ikare ame wonkom adek me gombola Inomo dip kede waraga me juku yuba me cako gedo ame aleyo kede ot ame yoo omako oko kun kok ni otela me Cooperative man tic gi pe ilero, otye otic kede project agapomente ame obin omio gombola Inomo pi or, wati kede lurem. 

Jimmy Elvis Omoko CDO me Gombololola Inomo ilokere akaka jago iyuba me cako gedo man ground breaking ociko otela gurup man me miyo gombola ngec olil akwako cente adii ame tye igulo Lim kede kite ame cente man tye atic kede.

Tonny Blare Mwanga, acouncior acungi Banya parish igombololola Inomo otito ni gedo ame ocako ni welere pe otunu ingec gi ento ogedo myero nen ni ogwoko cuny onywali ibeo iweko mito mon ajo kede balo anyira atino. 

Joan Nighty Olum, aran me pur kede cato wil Kwania district Local Government ame dang obedo akanycila me Gombololola Inomo, otito ni cilo tye adwong ikom otela me Cooperative man. En ote ciko otela me gurup man me yaro Kan aler lima ame onwongo ibot UNRA pieno man obedo lim alwak.

Mzee Erong Olia wonkom me cooperative man ikare ame omemba openye lim adi ame UNRA oculo kede cooperative man, en okwao omemba me kuru cokete adwong ame bedo icel mwaka acel oboro Annual General Meeting.

Robert Olinga Otolo managing director me Roblings Construction Company Limited, kampuni ame omako contract me gero ot man otito ni mono obino tic kede otedero, atong ya otedero dang te bilo projek man.

Olinga Otolo, omako purojek me gero cuma Rego nywagi man iyong yoo imako cuma ame obino ogero imwaka 2016. Gedo man ame bino tero kare me dwete adek bino tero Lim ame romo million 104 alubere kede BOQ ame District Engineer me Kwania Edward Eyak oyubo.