Oyam District Okato Kede moka me giko tic ocol mon me kin Paco

16 February 2023, 12:02 pm

By Eman Yona Oruk

Moka man okato ika cokere me quarterly Performance health review meeting ame otimerI Rainbow Hotel ame tye Oyam Town Council aworo i ceng adek me nino dwe 15/02/2023.

Dr Caroline Agaro ame obedo alub kor D.H.O, me Oyam District otito nimano Acol monoro keken me kin paco ame olwongo gi ni Traditional Birth Attendant (TBA) ame obino nwongo tye amede kede tic me colo mon obino mako eka ote lube kede cik.

Agaro omede nimano, ame pwod pe otunu iyi amako, myero In-charges me dakatale ducu ame tye iyi Oyam myero raa ngec akwako joo magi eka ote kelo I opici a D.H.O wek ote neno kite me lok kede gin ocol mon magi ame cik pwod pe omako gi.

Kadi kono bed amano, Peter Olet ame obedo Administrator me dakatal Timagi okwao ni ka twere myero onge kom ocol mon magi eka district te tic ked gi me gengo nywal ikin paco kun nwongo gin omio report kede kobi mon ayac me wot iwudi yen a gamente.