Buwama FM
  Stream radio
Menu
Buwama FM
  2. Agriculture
  3. Abalimi n’abayizi basisinkanye okusaala amagezi ku bizibu by’obulimi

Abalimi n’abayizi basisinkanye okusaala amagezi ku bizibu by’obulimi

4 September 2026, 7:48 pm

Ekifananyi ky’abaliimi n’abayizi ba MMU wabweru we ttendekero.

By Nsubuga John

Ekitongole kya Advocacy Coalition for Sustainable Agriculture (ACSA), nga kikolagana ne Mountain of the Moon University esangibwa mu Fort Portal City, Kabarole District, kyategeka olukungana olwa 4th Student-Farmer-CSO Research Exchange Platform 2026.

Olukungana luno lwagenderera okuzuula ebizibu ebisoomooza abalimi, okukola okunoonyereza ku nsonga ezo, n’okuzuula engeri okunoonyereza gye kuyinza okuyamba mu kubigonjoola.

Abayizi n’abalimi baalabudde ku nsonga ez’enjawulo era ne batuuka ku bimu ku by’oyinza okukolwako. Omu ku bayizi ba Mountain of the Moon University, Waswa Victor, yannyonnyodde ebimu ku byogeddwako mu lukungana.

Waswa Victor omuyizi w’ebyobulimi ku Mountain of the Moon University nga annyonyola ku lukungana lwabwe n’abalimi.

Mountain of the Moon University essira erisinga eriteeka ku kusomesa eby’obulimi. Alex Mwine, akola ne ACSA nga Monitoring and Evaluation Officer, yannyonnyodde ekigendererwa ky’olukungana luno.

Alex Mwine owa ASCA nga akatiriza ensonga yensisinkano eno ey’abalimi.

Abamu ku bitongole ebikolagana ne ACSA nabo baanyonyodde ku byabadde mu nsisinkano. Abalimi okuva mu bitundu eby’enjawulo omuli Masaka, Mpigi, Mubende, Mityana, Kabale, Buikwe ne Busoga nabo baayogedde ku nsisinkano eno.

Julius tumwebaze owa Homeland organic Naye nga anyonyola Ku nsisinkano yabwe n’abayizi.

Abalimi baagambye nti amagezi ge bafunye bagenda kugasasanya mu balimi abalala mu bitundu gye bava.

Kabuye Samuel okuva e Buikwe district nga anyonyola ku byalabye ku Mountain of the Moon University.

ACSA ekola okusomesa abalimi mu Uganda yonna ku nnima etakosa butonde bw’ensi, n’okunoonya eddagala ku bizibu ebisoomooza abalimi, naddala ebiva ku nkyukakyuka y’obudde.