Buwama FM
  Stream radio
Menu
Buwama FM
  2. Law and Order
  3. Kooti enkulu etudde okuwulira obujulizi ku musiguze eyatta bba wa nnyinimu

Kooti enkulu etudde okuwulira obujulizi ku musiguze eyatta bba wa nnyinimu

21 July 2026, 4:45 pm

Ekifananyi ekilambiika endagiliro ku kooti y’e Mpigi.

By Nsubuga John

Mpanga Gofrey owe myaka 22 ne Nabatanzi Rehemah owe myaka 47 abatuuze ku kyalo Jjeza mu gombolola ye muduuma baleeteddwa mu maaso gomulamuzi Vamer Deeper okuwulira obujulizi obumalumika mu musango guno.

Kigambibwa nti Mpanga Geoffrey eyali omupangisa ku nju za Abas Kapere Ssengoye yekobana ne Nabatanzi Rehemah eyali mukyala wa Abas Kapere nebamutemaatema ebiso ebyamuta

Chairperson wa Jjeza, Bwanika Abas nga anyonyola ku bibaddewo mu court obujulizi obuleteddwa.

Omuvubuka ono eyali omupangisa ku nju z’abafumbo bano kigambibwa nti yatuuka ekiseera neyediza Nabatanzi Rehemah, muka land load we Abas Kapere Ssengoye nekyaddirila omupangisa ono kuteesa n’omukazi ono batema bba basigale mu mukwano omujjuvu.

Bino byonna bibadde mu bujulizi obuleeteddwa omusirikale wa police eyakola okunonyereza ku masimu bano gebeekubiranga wamu nomupango gwebakola okutemula Abas Kapere Ssengoye bba wa Nabatanzi Rehemah.

Okusinzira ku bujulizi obwakaleetebwa omukyala Nabatanzi Rehemah yasasulira omulimu gwonna ogwokutemula bba nga yeeyambisa omupangisa ono gweyali afudde omwami we

Bino byonna byaliwo nga 06/06/ 2024 ku kyalo Jjeza mu gombolola ye Muduuma mu district eye Mpigi.

Omu ku batuuze nga yebaza abamawulire okugoberera ensonga y’ettemu awamu n’okwebaza court okuwuliriza omusango gwabwe

Aboluganda lw’omugenzi Abas Kapere Ssengoye, n’abatuuze ku kyalo Jjeza abakulembeddwamu ssentebe we kyalo kino Bwanika Abas ne defense beyiye ku kooti okugoberera omusango guno nebogera ko ku musago guno

Muwala w’omugenzi Abas nga asaba court bafune obwenkanya ku muntu wabwe.

Aboluganda ba Abas Kapere Ssengoye balaze essuubi nti kooti ejja kuzuula ebituufu ku nfa y’omuntu wabwe.

Muganda w’omugenzi nga asaba omulamuzi bafune obwenkanya ku nfa y’amuganda wabwe

Omulamuzi wa kooti eno Vamer Deeper omusango agwogeddeyo okutuusa nga ennaku zomwezi 30 omwezi guno okwongera okuwulira abajulizi abalala mu musango guno.