Olukiiko lwe Mpigi lusabye okunonyereza ekyaviirako pulojekiti ya South Korea okusaanawo

21 July 2026, 11:48 am

By Nsubuga John

Bino byonna birabikidde ku katale n’ekyuma ekikuba obuwunga n’emmere y’ebisolo ebyazimbibwa ba nnansi ba south Korea nga bayita mu kitongole kyabwe ekya Korea International Corporation Agency biganyulwe ba nna Mpigi kyokka nebitakozesebwa olwokulagajjalirwa.
Ssentebe wa district ye mpigi Simon Peter Kawuki,nga ali wamu n’olukiiko lwa district oluvunaanyibwa ku by’emirimu, mayor wa buwama town council Rashid Nkinga n’abakulembe abalala beebazudde bino bwebabadde balambula ezimu ku project ba nnansi ba Korea zebaakolera banna mpigi okubakulaakulanya.

Balambudde akatale n’ekyuma ekikuba obuwunga n’emmere y’ebisolo ebyaawementa obutitimbe bwe nsimbi z’omuwi w’omusolo gwa bannansi ba South Korea abatuuze be mpigi byebaasuulawo nga beekwasa ekyokuba nti byazimbibwa mu kifo ekitakola.

Abakulembeze bayise abatuuze bamanye ekyabavirako okusuulawo project eye bbeyi eri mu kifo kino bwekiti ate nebadda ku nguudo ate gyebaagobwa

Abatuuze bawadde ensonga zaabwe newankubadde abakulembeze baziyise nnafu

Akatale kano nekyuma kyobunga bwa kasooli ebyogerwako biri Bbongole ku lw’eMasaka nga eno y’ekmu ku projects ezamaanyi ezaaletebwa south Korea ziyambe okukulaanya bannna Mpigi

Ku project aba South Korea baagattako n’okuzimbirawo n’ekyuma ekikaza ensigo nga bino byonna byaawemmenta ensimbi eziri eyo kawumbi k’ensimbi za Uganda akamu n’ekitundu kyokka bukyanga biteekebwawo emyaka 4 emabega bitandise okuwumba nga tebabikosezessa.

Mukulambula ekifo kizuliddwa nti n’ebimu ku bintu omuli computor emotoka ekika Kya loole nekalonda omulala yenna owomugaso byabbibwa ebira nebilagajjalirwa ekinyizizza abakulembeze

Mayor wa buwama town council omusangibwa m ekifo kino Rashid Nkinga annyonyodde ebizuliddwa.

Akatale kano okusinga kaali kayamba bakyala era abakulembeze nga bakulembeddwamu ssentebe wa district ye mpigi Simon Peter balabudde abatuuze okutandika okukosesa ekifo kino.

South Korea nga liyita mu kitongole kyalyo ekya Korea International Corporation Agency lyassa obuwumbi bwa dollar za America obusoba mu 600 okuteeka project ezenjawlo mu district eno omuli okuzimba ettendekero ly’eby’obulimi n’obulunzi ekampiringisa,

bank ez”obwegassi ku byalo,

okutuusa amazzi aga pipe mu byalo,

okugabira abalimi nabalinzi ebisolo n’ensigo,

, okuteeka emisomo mu bantu ku ngeri ey’okwekulaakulanyamu, kyoka nga bwokuba tooki mu bantu abaganyuddwa mu project zino nga balina kye balaga, obababalira ku ngalo.

Ssentebe Simon Peter Kawuki agambye baagala wabeewo okunoonyereza lwaki ensimbi ezenkaniddewo wano obungi zaateekebwa mu banna Mpigi naye nga enkulaakulana ntono mu banna mpigi.